प्रो. तिलक पुन

यस क्याम्पस ग्रामिण क्षेत्रमा रहेको यथार्थता रहेको छ । विद्यार्थीको स्रोत अन्य क्षेत्रवाट विशेष परिस्थितिमा आउने एकाध बाहेक अन्य श्रोत नरहेको ब्येहोरा अवगतै छ । क्याम्पसले बहुमुखी सम्बन्धन पाएपनि बहुमुखी सोरुप पाइ नसकेकोले चार वर्षे कार्यक्रम सञ्चालित छ। यसैले हामीले विद्यार्थी भर्ना संख्यामा महत्वाकाङ्क्षी योजना बनाएका छैनौं। मा.वि को रिजल्ट अनुसार योजना बन्छ र अपेक्षा अनुसार नै विद्यार्थी भर्ना हुने गर्दछन । तर विगत केही वर्षदेखी माध्यमिक तह देखिनै विद्यार्थीहरुको शिक्षा विषय पढ्ने मोह बढ्दै शिक्षामा विद्यार्थी चाप बढ्‌दै गइरहेको छ । साथै वजारमा केही क्याम्पसले गर्ने अस्वस्थ प्रतिस्पर्धाको हावा यस भेगमा समेत पर्न थालेकोले विद्यार्थी संख्या बृद्धिको लागि मा.वि. देखिनै गुणस्तरमा सुधार ल्याउने र क्याम्पसले विषय विविधीकरणको रणनिती अगाल्नु पर्ने आवश्यकता रहेको छ। यसको लागि मा.वि. मा गुणस्तर अभिवृद्धिका प्रयासहरु भइरहेका छन । स्नातक र स्नातकोत्तर तहमा शिक्षा विषय बाहेक अन्य विषयहरु यस क्याम्पसमा थप गर्ने प्रयास क्याम्पस सञ्चालक समिति  र क्याम्पस प्रशासनले गर्दै आइरहेको छ । यसका लागि त्रि.वि. संग सम्वन्धनका लागि प्रकृयाहरु अगाडी बढाइरहेको छ |